注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

人生啊  

2008-11-16 14:35:12|  分类: 大學生活 |  标签: |举报 |字号 订阅

  下载LOFTER 我的照片书  |

 

 

2008.11.16禮拜

 

 

   呢個禮拜發生咗好多事情,令我大歎人生。

   先系禮拜二,1111,光棍節。一日到黑見倒人哋一pair pair依依揖揖,而我,雖然都系一pair pair——之不過系同隔離嘅傻生兩只寡佬一拍噉行——人生啊!!!(咪諗歪,我唔系發老婆寒,系有其他原因啫……)

   再就系毽球比賽,我代表成個人文學院參賽。人哋隊嘅都系師兄師姐,甚至有隊(法學院)系廿幾歐嘅老手,玩開花毽添。佢哋踢起網毽來定過抬油,仲識玩下花臣,簡直系“白雲山上嘅暖水壺——高水瓶(水平)”,冇得揮啊!而我哋隊喺踢網毽方面都系初哥,點都唔夠人老定。

   講咗一大餐,無非都系想引出結果——我哋四場輸曬……呢個冇咩值得呻聲呻氣嘅,唯獨系對地理科學院嗰場真系令我好唏噓。

   頭局我哋隊食住勢上,贏得好輕鬆。第二局“大意失荊州” 啩,俾人追番局。第三局決勝局,我親自出馬!比分99,咬得好緊。我發起神威,連續開波直接得分,一下子打到149。在場所有人都打咗個突兀,因咩事呢條友好似鬼上身噉,發波鬼死咁靚,下下都得食。

   仲有一分(15分制)就撈雞喇!我諗住今鋪坐定粒六啦!殊不知我突然發軟蹄,將只毽發失咗!鬼打咩!之後更系發生咗啲匪夷所思嘅事——我哋隊好似鬼揞眼噉,畀人連破4個局點,收尾仲完成埋驚天大逆轉!

   一切就好似發咗場夢噉,人生啊!!!

   可能呢啲就叫做“命水唔好”,就叫做“命裏有時終須有,命裏無時莫強求”,就叫做“唔系你財,唔入你袋”……

   無計,生活就系咁戲劇化,人生啊……

  评论这张
 
阅读(26)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018