注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

過年  

2009-01-28 16:15:21|  分类: 生活點滴 |  标签: |举报 |字号 订阅

  下载LOFTER 我的照片书  |

2009-1-27 年初二

 

過年了!祝大家新年風生水起,牛轉乾坤!!!(以下轉回廣州話閱讀)

     今年又錯過花街喇,好多年都冇行花街喇,激氣吖!!!

     枉我大年初一仲要去陳家祠當班講解成日呢!最後發現年初一一封利是都冇得進賬!冷雨飄零,偏偏又唔記得帶遮,咁多衰嘢係咪預示住流年不利呢?不過好彩雨粉粉,唔算好大,無點濕身!係咪預示住新年能夠逢凶化吉、大步nam3過呢?哈哈哈~~

 

     返到屋企後遇啱大姨兩公婆到訪,傾談睇樓搬竇嘅事,後尾就出去食飯。因為年三十食咗兩大餐,驚食滯,所以呢晚都唔係叫咗好多餸。餸菜都幾啱胃口,就係收尾嘅番薯餅“縮咗水”,同招牌嘅賣相爭好遠。

    

     今日年初二,下晝約實咗三叔去幫下眼,geb2geb2五羊邨左近嘅一間屋。環頭唔錯,百五方。後尾覺得都係弊大於利,只好作罷。此期間,我覺得自己好有必要學下建築知識同埋土木工程知識吖!!!

     尤其建築,我本身又有興趣喎,下學期要咪掂《廣州建築》呢啲書先得~~~

 

     睇完樓,我就周圍逛,周圍蕩~~重去咗七中、培正地頭。原來東山區教育強區嘅朵咁響唔係講笑噶!嗰頭嘅幼兒園、小學、中學成行成市吖!我重發覺煙墩路一帶幾靜局,啱曬我心水~~後尾我重翻咗去我嘅幼兒園,冇開門,我只能在大門口停佇、遙望,好耐都唔肯扯!十數年前嘅舊記憶閃回著湧現……   (附舊照片一張,這是我的幼兒園大門和我的啟蒙老師梁老師)

 過年 - 憂淒居士 - 憂淒居士的博客

     老喇……

 

晚黑睇電視,經典粵劇《七十二家房客》續集推出喇!!!琴日唔知,竟然錯過咗4集!好在今日有睇!最盞鬼嘅重係臺詞、唱詞,十分“老廣”,我好中意!!!

睇睇下聽老竇講話咩我以後可以做粵劇編劇,我又有啲心思思喇~~編下劇,寫下詞,我拿手吖!兼且我一路有研究開廣州話嘅!最重要係可以挽救漸趨式微嘅本土粵劇文化,呢支大旗我唔擔邊個擔!

 

最近,喺巴士度睇過兩次日劇《10個約定》片花,發覺自己對狗仔嘅印象大有改觀。舊陣時對狗認真有得震,冇得瞓,連發夢都發過畀狗噬!!!今時今日卻有啲心喐喐,慢慢開始中意狗狗之餘,仲有諗過整翻只嚟養。過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客

 

當然咯,養掂自己先算!“住洋樓,養番狗,搵個摩羅叉看門口”嘅境界嘛,諗下就好喇!

細諗落,我係因為中意日本先中意日劇嘅,唔通我又係因為中意日劇先至中意狗仔嘅?影片嘅力量咁把炮?定係對日本嘅愛,已令我無法自拔?

對日本嘅思念,喺每年春節時候都特別濃烈(3年前的隆冬,我正在日本來呢)!今年寒假,我依然會使唔少時間研讀與日本相關嘅書籍資料。

過年 - 憂淒居士 - 憂淒居士的博客過年 - 憂淒居士 - 憂淒居士的博客過年 - 憂淒居士 - 憂淒居士的博客

 

而且,好希望能夠完成我嘅《日本之旅思憶錄》啊!!!

Japan I miss you so much !!!

  评论这张
 
阅读(75)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018