注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

4級甲流,天河睇樓——6月20號小記  

2009-06-22 12:09:11|  分类: 大學生活 |  标签: |举报 |字号 订阅

  下载LOFTER 我的照片书  |

4級甲流,天河睇樓——620號小記

 

 

一.  英語4

 

壯烈啊………………

成個大一都冇為呢次考試做過啲多準備,高中都算幾標青嘅英文,我冚bang6唥躉低曬畀高中老師了……第一次做4級嘅題型,有啲揦手唔成勢……對我呢個“大魔王”嚟講,題目唔係一般嘅多……好多題都未睇真,就要動筆,甚至亂填答案喇……

如果撞啱手神嘅話,希望啱多幾題啦~~~~

一出嚟個個考生就慶慶含含議論,似乎唔少人都係同我一樣噃——頭耷耷,眼濕濕,見倒銀紙都唔識執~~睇嚟咁多人墊屍底——我未驚過!

 

 

二.甲型流感

 

諗唔到廣大都有人領嘢,揩咗甲流。自從地理學院嘅唔知乜誰確診之後,廣大居然以通風為由,停咗宿舍嘅空調!!!哎……

嗰條友實係好過意唔去,“生前累朋友,病後累街坊”,搞到大家hing3烚烚,身水身汗。

想話學似往日噉,去我心愛嘅圖書館歎空調啦,嗰啲“平時唔開坑,急時抱佛腳”嘅人又搞到成個場爆滿喎!仲有好多人“挜住個屎坑唔屙屎”,挜咗個位成日都唔見人影喎。好艱難搵到位,又發現圖書館慳皮,冇將空調開衡佢,我坐嘅位開咗等於冇開…………

哎……天氣又翳焗,作業又做到人木獨……又因為諗起一些事、一些情,君之個人好心悒啦!!!

 

.天河睇樓

 

          心悒嗰陣做乜好呢?去睇樓囖~~~~~~

睇樓前先喺圖書館2樓嘅展覽廳睇完咗香港歐遊名家何振威先生嘅法國隆河阿爾卑斯山圖片展覽,真係“美源髮彩——冇得彈”吖!!!

睇完就搭地鐵離開咗廣大呢個焗爐,去到天河睇樓~~

出咗地鐵口冇幾遠就到喇,隔離左右就有廣百、天河城、老麥,環頭都幾正~~~~

百零平方,幾闊落,喺個廳度打關鬥都得;關埋窗之後幾靜局,我鐘意;去表姐屋企都幾就腳,可以周不時去偷日劇、借《柯南》~~~一個字——好正啊!!!

 

經已約實咗著名堪輿學家(俗稱:風水佬)phong.lor去睇下風水,去幫下手擔擔抬抬佈置下家居喇。“風水佬呃你十年八年”,我哋都識咗13年喇,佢應該唔會再老點我嘅喇,哈哈哈哈哈哈哈哈哈哈哈哈哈哈~~~~~

 

如無意外, 8月前擇個好日就搬扯~~~~

 

Ps.620號,其實係一個紀念日……………………

 

憂淒居士

20090620 11:11:11

  评论这张
 
阅读(27)| 评论(31)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018