注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

我的粵語相聲  

2009-06-09 20:16:28|  分类: 大學生活 |  标签: |举报 |字号 订阅

  下载LOFTER 我的照片书  |

我的粵語相聲

20090609 20:01:02   憂淒居士

     呢單嘢卒之衰咗……

     寫劇本、夾份練習做到我一隻屐噉,之琴晚表演發覺都唔係路嘅,直情雞同鴨講!係我捉錯咗路,埋頭埋腦、出盡百寶寫出嘅gag唔啱觀眾胃口呢?定係大部分觀眾根本就——唔係幾聽得明廣州話?

     諗落,身邊嘅書友們,的而且確有一大拃都唔係講廣州話嘅。即使勉強聽得明,都勢必領略唔到“番薯碌落火坑窿——該煨”、“老公撥扇——妻(淒)涼”、“火燒地球——炭(歎)世界”呢啲一語雙關嘅廣州話歇後語所蘊含嘅深厚意蘊內涵,更唔可能學似我呢啲老廣州噉,因為聽到呢啲熟語喺粵語相聲中嘅巧妙運用而發出會心嘅微笑。

     連廣州話都唔熟檔,又點可能catch到我個gag喎。“牛噍牡丹——唔識花共草”(指品不出味道,辨別不出好壞)就算喇,甚至有可能捉錯用神,誤會我嘅意思添。

     喺廣州演粵語相聲,聽得明嘅人先得三九兩丁七。諗起就有啲翳氣,所以演完就連隨走投翻咗嚟;死蛇爛鱔瞓餐大覺,食番阿媽撚手幾味;梳梳扶扶玩到夠皮,最爽最正都係屋企……

 

     Ps.唔知有邊個同我一樣,自細就係黃俊英、楊達、何寶文嘅擁躉呢?

  评论这张
 
阅读(36)| 评论(15)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018