注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

更新下先~近排煲嘅戲(1)~~多圖  

2009-08-15 17:08:37|  分类: 著作、劇作觀感 |  标签: |举报 |字号 订阅

  下载LOFTER 我的照片书  |

更新下先~近排煲嘅戲(1)~~

 

 

禦宅族嘅主要特點係電腦、電視對足成日,就算屋企一碟齋噉都闊佬懶理。至於我,係典型宅男,煲劇嗰陣更係連汁都撈埋!

一放假就大癲大廢,咩節目都照殺照睇,直情唔食飯都肯制,老竇老母都唯有擰頭篩髻!

當然,日本迷嘅我,都係煲日劇為主~~

 

. 世にも奇妙な物语 世界奇妙物语

 

           更新下先~近排煲嘅戲(1)~~多圖 - 憂淒居士 - 憂淒居士的博客

係日本一套由來已久嘅短劇節目,有啲故事就幾有諗頭,好離奇;有啲就整蠱做怪,好靈異;有啲就搞搞震、搵老襯,好爽心……

 

 

其中有一集講一個男人半夜三更喺一棟公寓入便利用萬能鎖匙連續入室殺人,只見佢殺到天昏地暗、日月無光,血流成河、屍橫遍屋,好得人驚!

佢每殺完一間屋就著一眼燈,呢個令我一直一頭霧水!直到埋尾先知,原來佢殺咗咁多人,仲著埋燈,都係為咗同住喺呢棟公寓對面嘅女主角(左邊嗰個,相武紗季飾演,即係《絕對彼氏》嗰個女主角)示愛!冚bang6唥房間嘅燈竟然組成咗“I LOVE YOU”嘅字樣!!!女主角見到果然冧曬……

 更新下先~近排煲嘅戲(1)~~多圖 - 憂淒居士 - 憂淒居士的博客

BT得嚟,佢嘅殺人動機又真係——令我睇到擘大口得個窿…………

 

. 《全能住宅改造王》

 

由日本頂尖建築設計專家們,針對各式各樣家庭的住宅翻修需求,進行令人嘆為觀止的大改造,重新變身成為美侖美奐、無懈可擊的頂級住宅。

睇呢個節目,令我深深佩服日本能工巧匠嘅奇思妙想、匠心獨運,令我深深醉心於日本建築藝術、設計藝術嘅骨子搶眼、玲瓏浮突。

日本資源短缺,地少人多。但係日本人卻能夠喺最少嘅土地資源入便添加最多嘅元素,使每一笪空間、每一忽資源嘅利用率都達到咗極致!

呢個,亦係我多年嚟熱愛並落力研習日本社會、日本文化嘅原因之一。

睇呢套節目,亦促使我的起心肝,要專門深入學習家居設計、住宅風水嘅知識。好,月底又去書店入貨!

 

 

.中央4 《我的兄弟叫順溜》

 更新下先~近排煲嘅戲(1)~~多圖 - 憂淒居士 - 憂淒居士的博客

唔好以為我係哈日族,就誅住我話我唔愛國。對於二戰中日歷史,我拍衡心口敢認畀絕大部分同齡人都知得多!而且,我就係睇住打蘿蔔頭嘅電影、電視劇大架喇!

同其他抗日題材一樣,呢部戲亦能鼓舞激蕩中國人嘅民族氣節!但亦有唔少不足,譬如配音超水皮!日軍之間嘅對話,一時係生硬嘅日語配音,一時竟然係普通話!穿曬煲啦!仲要專登講到唔鹹唔淡,講一句普通話就學人嚟一句日語“はい”(hai,是),核突死吖!

我鐘意睇《太行山上》呢啲日本演員做番日本軍官嘅抗日題材電影,噉先至夠味!

更新下先~近排煲嘅戲(1)~~多圖 - 憂淒居士 - 憂淒居士的博客

不過見住《我的兄弟叫順溜》係王寶強主演,又係打日本仔嘅劇,我先追嚟睇咋~~~

 

 

.鳳凰臺 《一個老兵的傳奇——史迪威傳奇故事》

 更新下先~近排煲嘅戲(1)~~多圖 - 憂淒居士 - 憂淒居士的博客更新下先~近排煲嘅戲(1)~~多圖 - 憂淒居士 - 憂淒居士的博客

呢個節目就係實打實講二戰抗日歷史架喇,愛好歷史嘅我,實行期期追,兼做埋筆記添啦~~~~

 

後記:今日815號,係日本投降64週年暨二戰結束紀念日,國人宜永記,振策當崛起……

 

                                                                                       未完待續
  评论这张
 
阅读(41)| 评论(27)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018