注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

又是一年軍訓時(附我的型英帥靚正的戎裝照)  

2009-09-20 12:21:35|  分类: 大二生活 |  标签: |举报 |字号 订阅

  下载LOFTER 我的照片书  |

                    又是一年軍訓時

        (附我的型英帥靚正的戎裝照)

 

 

一年,真係快過打針……

當軍訓嘅場景仲喺我哋腦入便好霎(注1)噉顯現時,又經已到咗新一輪嘅軍訓嘞。

今屆新生幾回(注2)都係啲90後。90後嘅口碑不留(注3)極之曳——人哋話佢哋個個係心肝椗、蜜糖埕;扭紋柴、扮曬蟹;讕有寶、至冇腦;牙擦擦、脷刮刮,花哩碌、爛笪笪……真係唔知為乜嘢咁大仇口……

之但係90後好多人座梗(注4)係“生骨大頭菜——自細種(縱)壞”架嘞,呢點唔使問阿貴。所以有個軍訓修下佢哋都好。

但偏偏今屆軍訓日子淺,好似驚死佢哋有乜冬瓜豆腐噉。頭一日重兼橫風橫雨打颱風,佢哋匿埋曬一於“火燒電燈杉——大炭(歎)”!想當年我哋學軍嗰陣身水身汗,家下著數曬啲90後啦!鬼唔望接落幾日猛啲熱頭,太陽要“砒霜加指天椒——毒辣”啲!

 

前幾日我喺大馬路打咗個白鴿轉,湊啱成堆新生軍訓緊,於是乎我就喺佢哋面前修修悠悠噉踱步,一自檢閱下啲90後嘅小師妹。

 

想當年,我喺“美女如暈”嘅廣雅咩靚女未見過吖,係咪?(注:“美女如雲”都未夠皮吖,事因“如雲”只係反映到數量,“如暈”就反映埋質量嘞!)因此,我都可謂“閱女無數”啦,都堪稱“相女小伯樂”啦,係咪?

殊不知,今次不但止冇發現靚到攞膽嘅小師妹,仲發現貌似件件都係豬扒噃!之不過有啲係一成熟嘅扒,太嫩口,噍唔落;有啲就係燶咗嘅扒,成個黑炭頭噉,都好難鯁(注5)啫。

 

睇怕摳師妹嘅雄圖大業好似貓鼻咁凍嘞,死啦,我白白等咗成年架嘛!(講笑,哈哈~)哎,以後要記住,發錢寒都唔好發老婆寒吖!!!

不過講開又講,舊年我軍訓嗰陣睄過下啲環境,好似都唔見好正鬥嘅女仔喎~之開學就個個都好眉好貌好色水(注6),周街遍地係靚女。

唔通唔係啲90後嘅小師妹未夠斤兩,所以baby face,而係逢親新生入學,都要經歷一個由未大透到逐漸成熟嘅蛻變過程?

 

再講,著住啲咁醜死怪嘅軍服,再靚嘅師妹都被“禾稈冚珍珠”啦!

應該仲係有望嘅,今勻見到90後靚師妹,我實勢凶夾狼落毒手,有殺錯冇放走喇~~~~~(講笑,哈哈~~

隨文附上我當年型英帥靚正嘅戎裝照,其實軍裝都有老實威(注7)嘅~~

 

 

 

 

 

 

 

 

 

 

 

 

 又是一年軍訓時(附我的型英帥靚正的戎裝照) - 憂淒居士 - 憂淒居士的博客

 

Ps.最後講個秘密畀大家聽啊,其實,其實,我都係90後………………

 

注:

1.霎:sab3,清晰、鮮明。

2.幾回:幾乎,“幾”讀第一聲。

3.不留:一向,“留”讀第一聲。

4. 座梗:一定,肯定,必然。

5.鯁:keng2,咽。

6. 好色水:衣著打扮光鮮。

7. 老實威:顏色、式樣樸素大方而較鮮豔華貴。

  评论这张
 
阅读(87)| 评论(49)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018