注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

最愛吟詩與浪蕩  

2009-09-02 22:34:58|  分类: 生活點滴 |  标签: |举报 |字号 订阅

  下载LOFTER 我的照片书  |

                        最愛吟詩與浪蕩

 

暑假霎下眼就到尾聲嘞,我本來仲因為假期流流長都冇嘍到阿沈出街而抌心口,嗰頭諗住聯繫佢,一個屈尾十佢居然畀電話我嗌我去打波!

真係唔知呢啲係咪就係叫“心有鹽西(芫荽)一拃蔥”呢?

 

阿沈係我高二嘅隔離位,,亦係我喺廣雅嘅“落雨擔遮——死擋(黨)”。嗰陣時我成日撚化佢,一落課就喺佢側跟胡天胡帝,甚至乎上堂都搞搞震,佗衰埋佢。

阿沈嘅功課好勁抽,當年嘅佢係有七八程摣拿考上人大嘅。雖然,最後都係淪落到中大國際商學院(霞姐話齋,由北大清華跌到中大,係“淪落”),之“廣雅高考文科總分第三”嘅名次令我呢個墮落到廣大嘅隔離位亦老來安慰、死都眼閉……

同阿沈喺埋一齊,最開心嘅係吹水唔抹嘴、鹹鹹濕濕傾靚女。嗰種兄弟般有話講話、有屁放屁;有gaggag,有氣呻氣嘅暢快淋漓,約莫衹有佢帶到畀我……

 

同鋒記(另一死黨)傾嘅嘢比較高雅:文化、文學、歷史;同阿沈傾嘅就比較低俗,傾女人(我係話傾女人比較低俗,唔係話女人低俗吖,唔好誤會),傾下成人講嘅話題。但雅與俗,亦各有樂趣。

 

琴日同阿沈返咗去廣雅後街嘅羽毛球場打波,一齊去嘅仲有大家姐(李潔穎)同小昀(鄭倩昀)。可能做得運動少,打咗2粒鐘之後隻手都有啲震。

 

打完波大家一齊飲下嘢,傾下偈。原來各自都係好大諗頭嘅,讀經濟嘅自不然認為讀碩士係最起碼嘅,而小昀(中大嶺院讀保險)就打算做交換生出去浸下鹹水。好在我自己亦有自己嘅抱負,唔係嘅話同13班同學仔就離天隔丈遠喇……

13班咁多同學仔傾偈,我發覺佢哋從來都未因為我係廣大嘅而睇低我。所以,其實,人首先唔好睇低自己!

 

食完晏,我哋幾個就分別嘞。我嘛,一邊等啲飯落膈,一邊同阿沈一拍行去佢屋企玩!

 

英明神武嘅阿沈,大一竟然太頹廢喇,中微經肥咗佬!不過都唔怪得佢嘅,嗰本中微經教材重屎簕特噉,斷斤稱同嚿磚咁重!唔單只厚deb6 deb6,仲要冚都係啲雞腸字,真係佢識我,我唔識佢嘞!

我一向覺得西經好難學~~唔係咩?唐三藏咁偉大,仲有孫悟空哋傍住,想當年取西經尚且歷經咗九九八十一難,所以西經又邊係我呢啲蛀米大蟲學嘅呢!

 

阿沈啲書都幾多,我哋兩個都係手指罅疏吖,買書從來都唔為一為條數,唔眨一下眼。傾一陣書,又傾一陣女人,再傾下大學生活,連日嚟屈質喺心嘅悶氣乜都扽曬出嚟!

之後4粒鐘,我哋睇咗2部韓國喜劇電影《賊婆百分百》、《我的小小新娘》。我哋邊睇邊比較中外社會文化,並大歎15歲即可結婚此制度的優越性;邊睇邊推測故事嘅發展,一邊亂咁學韓文,並yy某些場景,總之笑到見牙唔見眼!

我唔多去戲院,有時唔係因為戲飛揦脷,實在係戲院遠遠冇我哋而家大聲講大聲笑嘅樂趣大吖!

 

足足到6點鐘,我哋先至鬆人。佢出去食飯,我就翻扯。冇諗到一場兄弟,冇見咁耐,依然係難兄難弟!

我最愛吟詩,佢最愛浪蕩,我哋果然係最佳拍檔!夾埋一齊,就係“最愛吟詩與浪蕩”嘅組合,簡稱“最吟蕩”嘅組合!

 

講笑,哇咔咔咔~~~

 

 

                                                                                    蛀米大蟲

                                                                                 20090902 22:17:10

 

  评论这张
 
阅读(40)| 评论(25)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018