注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Leon Chan的博客

http://weibo.com/chenliangleonchan

 
 
 

日志

 
 
 
 

13班暑期小聚雜記  

2011-07-21 20:21:19|  分类: 廣雅隨想錄 |  标签: |举报 |字号 订阅

  下载LOFTER 我的照片书  |

13班暑期小聚雜記

 

上禮拜三,同13班同學仔林嘯峰、沈智明、劉運翔、雷嘉儀、黃寶賢、黃雯茗、何婉華、凃宇祺小聚咗下。先係喺廣雅後街21羽毛球館打波,之後班師到原來廣雅書店所在嘅定方嗌飯兼座談。

坐低埋堆,飲飽食醉,之後點少得傾偈吹水、天花亂墜?哈哈,今勻我做番回主席啦——八卦大會正式開波!首先八下散紙!講下你點摳師姐,哈哈哈哈!

之後畀人八翻轉頭喎,我一句“乏善可陳”就閘住叉住喇!(哎,噉係吖嘛,“講嚟講去三幅被,量嚟量去二丈四”,總之單身寡佬,寂寞潦倒啦。)

 

阿峰:大家都變咗喎,唔知適之有冇變呢?

我:冇變到!上次聚會我同佢斟茶嗰陣畀佢碰到我隻手,佢即刻整咗句“哇!你隻手好滑啊”!

阿峰:咦咦~~

我:………………

(我妖!雖然,我皮靚肉滑係事實,之不過畀個男人老狗陰聲細氣噉對我講出嚟,就搞到我連隨打冷震、起雞皮囖。)

叉燒:Man咗好多喇佢!把聲都高咗八度!

阿峰:由女高音變成男高音?

叉燒:而且人哋有女朋友喇!好似仲換咗幾個。

我、阿峰:………………………………

(情何以堪啊)

 

當晚最出彩嘅莫過於大家踢爆Q君當年同L女行得好埋,實情係為咗掩護Q君同Z女嘅戀情!哇,認真爆大鑊啊!仲曲折過做大戲啊!之點解要噉做呢,大家都估佢唔到。我斗膽斷估:會唔會佢哋呃曬所有人,查實有景轟嘅,係L女同Z女?!聽到我咁正斗嘅推理,大家當場笑爆咗肚。仲畀阿峰話我“腐”,哇咔咔!但係我越諗越似啊,曳曳喇,哈哈!

後尾同叉燒打牙骹,刮到唔少料,寫落嚟得啖笑。

 

叉燒:其實你哋廣大都唔少靚女吖!

我:都係廣外多啲……

叉燒:點解呢?廣大嘅女仔都唔差啊?

我:哎……隔離飯香吖嘛。

叉燒:…………………………

 

 

  講下講下傾到叱吒校園、廣雅校花——某“周姓”女生。(我當年差啲就噉同佢搭訕——“小姐,你係咪姓周架?”)

 

叉燒:佢而家依然好出名!日日都著唔同款嘅衫,我從來未見過佢著同一件衫!

我:哇,咁浮誇?當年喺廣雅都睇佢唔出喎。(廢話!以前係日日著同一套衫好唔好)

叉燒:佢直頭同伍蘊兒一樣啊!

我:喂,噉內衣,唔係!睡衣總唔使一日換一套全新花款嘅啩?

叉燒:噉我就唔知喇!總之佢落樓攞個外賣都執到好正,仲著埋高踭添!

我:有冇搞錯啊?!係我嘅話踢拖架咋……(叉燒鄙視貌)……當然,從來都係外賣送到上嚟嘅(嚴重鄙視貌)……

叉燒:每次夜晚11點門禁嗰陣我翻嚟,就係佢出去之時喇!

我:……有嘢到喎。(傾到“戲肉”嘞!)

叉燒:佢都換咗好多條仔啦。有一個飛咗佢之後,竟然衰到喺微博度寫埋破咗佢處嘅事啊!

我:………………………………

叉燒:點啊,做咩唔出聲啊?係咪喺個心度隱隱作痛呢?

我:個男嘅微博幾多!有冇艷照睇啊?

叉燒:…………………………………………………………

 

哈哈哈哈哈哈哈哈哈哈哈哈哈哈,好一個歡喜樂笑嘅八卦大會!我哋9點先至散檔,大家得閒多啲碰頭啦~~

 

 

13班暑期小聚雜記 - 憂淒居士 - 憂淒居士的博客

 

13班暑期小聚雜記 - 憂淒居士 - 憂淒居士的博客

 

13班暑期小聚雜記 - 憂淒居士 - 憂淒居士的博客

 

13班暑期小聚雜記 - 憂淒居士 - 憂淒居士的博客

 

13班暑期小聚雜記 - 憂淒居士 - 憂淒居士的博客

 

13班暑期小聚雜記 - 憂淒居士 - 憂淒居士的博客

 

  评论这张
 
阅读(71)| 评论(4)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018